L'exemplu d'Asiegu

Los hermanos Manuel y Javier Niembro inventaren una empresa, y furrula. Estos emprendedores cabraliegos, amantes de lo asturianu, de la etnografía y de les tradiciones, decatárense  qu'el so puelu, Asiegu, yera un auténticu museu vivu. Y decidieren abrilu y mostray-lu a los turistes.
Entamen visitando una moderna quesería. Ellí expliquen cómo se igua el más internacional de los quesos patrios, el cabrales. Dempués, un paséu pel puelu sirve para mostrar les señes d'identidad del territoriu, y para desvelar qué son los conceyos, les parroquies y les aldees, el funcionamientu  de les caseríes, l'orixe de los horros o los cambios sociales y urbanisticos del caberu mediu sieglu.

Darreu los hermanos Niembro lleven a los turistes a una cuova de maduración del quesu, onde se yos completa l'información básica sol cabrales. Dempues visítase una pumarada y a la fin un llagar, onde se yos ufierta a los turistes una pistonuda espicha.

Vivimos nun paraísu, nun muséu vivu. Somos parte d'elli. Y la meyor manera de ponelu en valir ye mostraylu al mundu dende´l respetu. D'ehí al argullu bien entendíu, que tantu fai falta n'Asturies, solu hai un pasu. Manuel y Javier diérenlu. Prestaríami que los imitaren.

Ramón Diaz
Periódicu La Nueva España
4 de setiembre de 1999